O equipo de Iván Gayol impúxose por 1-2 ó Iberia nun encontro de poder a poder, no que o que gañase ascendía. O Santaballés quedouse ás portas de dar o salto a Primeira tras unha excelente campaña. O Rioaveso conquistou o alirón ó gañar pola mínima ó Guitiriz en Paraños.

Os de Dani Moirón empataron sen goles ante o Sacido nun encontro emocionante, no que un gol dos viveirenses lles daba a permanencia. Galdo, Celta Barreiros e Folgueiro xogarán a vindeira campaña en Terceira Autonómica, no que foi un mal ano para o fútbol mariñán de segunda. O Muimenta pechou a campaña cunha goleada ante o Matela, que se desinchou na segunda parte da liga.

Os de Julián Castaño non erraron ante o Antas, ó que venceron por 2-1 no campo do Polvorín. O Atlético Escairón caeu tamén por 2-1 en Becerreá e finaliza así o campionato na segunda praza. O Calasancio pechou a liga na terceira posición tras golear ó Sober po 6 tantos a 0.