Os de Couso empataron sen goles ante a Residencia e finalizan así segundos, empatados a puntos co Taboada. Os de Emilio García impuxéronse por 0-2 á Milagrosa para rematar a campaña no terceiro posto. O Pastoricense finalizou cuarto logo de empatar sen goles no Acebreiro ante o colista Riotorto.

Os de Luís del Río igualaron a 4 un encontro que perdían por 4-1 ante o Outeiro de Rei, pero aínda que gañaran, descenderían igual. O Xermade fixo os seus deberes ó vencer por 3-0 ó Burela e mantense no seu primeiro ano na categoría. A Residencia, que tamén andaba metida na lea, abondáballe para manterse con conseguir o punto que finalmente acadou ante o Páramo.

O preparador mariñán anunciou a súa renovación coa SD Outeiro de Rei tras un ano no que o equipo non conseguiu regresar a Rexional Autonómica pero si “consolidarse na parte alta” logo de “traer xuventude ó equipo”, con 13 futbolistas sub-21, algo do que se atopa moi satisfeito, “tanto o corpo técnico como a directiva”.