O Polvorín podería ascender dentro de tres xornadas

Os de Montirón volveron a gañar deixando a portería a cero por decimoterceira vez no campionato.

O Escairón abre fenda co terceiro posto logo de gañar e empatar o Calasancio co Guntín.

O Santa Comba queda a 11 puntos do segundo posto ó empatar en Antas.

O Polvorín suma números de record na Segunda Autonómica Sur. Os de Julián Castaño impuxéronse por 2-0 ó Muralla no derbi da capital e sumaron a decimooitava victoria en 20 encontros. Os amarelos levan trece encontros deixando a portería a cero e suman oito victorias consecutivas. Cos seus 55 puntos, se gaña as próximas 3 xornadas e o Calasancio non suma máis de dous puntos e o Santa Comba 6 neses tres encontros, os capitalinos serían novo equipo de Primeira Autonómica.

O Escairón (46) gañou ó Friol con claridade por 3-0 e agranda a fenda co Calasancio a 7 puntos. Os do Saviñao levan seis encontros sen perder e tres victorias consecutivas. O Friol queda sétimo (28), só sete puntos por enriba do descenso. Os de Rafa Casanova, que teñen pendente de disputar o encontro da pasada xornada ante o Brollón, non gañaron nos últimos seis encontros, nos que só rebañaron 2 puntos.

Na terceira praza, con 39 puntos, sitúase o Calasancio. Os monfortinos están a sete puntos do ascenso logo de empatar a 2 tantos en Guntín, logo de que os visitantes se puxeran ó remate dos primeiros 45 minutos cun 0-2. Os estudantís encadean só 5 puntos dos últimos 12 en xogo. O Guntín queda noveno (27), con só 6 puntos de marxe co descenso tras sumar o decimocuarto punto a domicilio.

O Santa Comba (35) é cuarto, a 11 puntos do ascenso logo de empatar a 1 no Castro Seoane de Antas. Os de Jon Vázquez levan só 1 punto dos últimos nove disputados. No quinto posto, aséntase o Brollón (34), que gañou pola mínima nos Medos ó San Roque. Os vermellos encadean 5 victorias consecutivas e contan cun encontro menos que os seus rivais.

O Chantada B perdeu co Castroverde no Sangoñedo por 0-1 e con 30 puntos queda sexto. Os chantadinos só sumaron catro puntos nos últimos 18 posibles. Na oitava praza queda o Becerreá (28), logo de impoñerse ó Palas. Os da montaña viñan de dúas xornadas sen gañar, nas que só sumaran un punto.

Na próxima xornadaxogaranse os seguintes encontros: Palas – Chantada B, San Roque – Escairón, Guntín – Polvorín, Muralla – Becerreá, Castroverde – Brollón, Friol – Antas, Santa Comba – Sober e Monterroso – Calasancio.